Tiga tawai lebang kimet kuma tepat mong oban sukat nai petego' kak amin ne' ki. Arep tepat sukat nai pemong tebulong kua' kimet nai pebeka tawai ka' ang tepat singget usa yong inan, bang ke bada' mala' man palat ujo' talan. Ayen tepat tai petat porat engkin kimet bo'et ngan engkin tawai medai tai sa'o songai limun kanan, kelo ke nai peselai nai pita jagan. Bang petapi ne ilu pekeridi, bang ngeringa ne ilu nyeroma pala' amai Lenjau Taman.
